-कुल वस्तु निर्यातमा ७.१ प्रतिशतले कमी आई
रु.८६ अर्ब ८३ करोड कायम भएको छ ।
-कुल वस्तु आयातमा २.३ प्रतिशतले कमी आई रु.८९७ अर्ब ९४ करोड कायम भएको छ ।
-कुल वस्तु व्यापार घाटामा १.८ प्रतिशतले कमी आई रु.८११ अर्ब ११ करोड कायम भएको छ ।
-विप्रेषण आप्रवाह २१.६ प्रतिशतले वृद्धि भई रु.८३९ अर्ब पुगेको छ ।
-चालु खाता रु.१६१ अर्ब ६९ करोडले बचतमा रहेको छ । अघिल्लो वर्षको सोही अवधिमा चालु खाता
रु.४० अर्ब १६ करोडले घाटामा रहेको थियो ।
-शोधनान्तर स्थिति रु.२९७ अर्ब ७२ करोडले बचतमा रहेको छ । अघिल्लो वर्षको सोही अवधिमा शोधनान्तर
स्थिति रु.१२८ अर्ब ५५ करोडले बचतमा रहेको थियो ।
-अमेरिकी डलरमा विदेशी विनिमय सञ्चिति २०८० असार मसान्तमा ११ अर्ब ७१ करोड रहेकोमा २०८० माघ मसान्तमा १३ अर्ब ८९ करोड पुगेको छ । उक्त सञ्चिति १२.३ महिनाको वस्तु तथा सेवा आयात धान्न पर्याप्त रहने देखिन्छ ।
-संघीय सरकारको खर्च २.९ प्रतिशतले बढेको छ भने राजस्व परिचालन १०.२ प्रतिशतले बढेकाे छ । सरकारको बाह्य ऋणको कुल गार्हस्थ्य उत्पादन संगको अनुपात करिब २२ प्रतिशत रहेको छ ।
-बैंक तथा वित्तीय
संस्थाहरूमा रहेको निक्षेप रु. ३९७ अर्बले बढेको छ भने बैंक तथा वित्तीय संस्थाहरुबाट निजी क्षेत्रमा प्रवाहित कर्जा रु. १९७ अर्बले बढेको छ।
-२०८० माघमा वाणिज्य बैंकहरुको निक्षेपको भारित औसत ब्याजदर ७.०१ प्रतिशत र कर्जाको भारित औसत ब्याजदर ११.०८ प्रतिशत रहेको छ । अघिल्लो वर्षको सोही महिनामा यस्ता दरहरु क्रमश: ८.४१ प्रतिशत र १३.०३ प्रतिशत रहेका थिए ।
-इजाजतप्राप्त बैंक तथा वित्तीय संस्थाहरुको संख्या २०८० माघ मसान्तमा ११२ रहेको छ । यसमध्ये २० वाणिज्य बैंक, १७ विकास बैंक, १७
वित्त कम्पनी, ५७ लघुवित्त वित्तीय संस्था र १ पूर्वाधार विकास
बैंक सञ्चालनमा रहेका छन् । बैंक तथा वित्तीय संस्थाहरुको शाखा संख्या २०८० असार
मसान्तमा ११,५८९ रहेकोमा २०८० माघ मसान्तमा ११,५८७ पुगेको छ ।
No comments:
Post a Comment