Optimal Number of Banks and Financial Institutions in Nepal
- नेपाल राष्ट्र बैंकले २०७९ बैशाख ११ गते "Optimal
Number of Banks and Financial Institutions in Nepal" विषयक अध्ययन प्रतिवेदन सार्वजनिक गरेको छ । यस अध्ययनको मूख्य निष्कर्ष यसप्रकार रहेको छ ।
- यस अध्ययनले विभिन्न परिसूचकहरुको विश्लेषणका आधारमा नेपालमा कुनै एक बैक तथा वित्तीय संस्थाले बजार मूल्यमा प्रभाव पार्ने क्षमता न्यून रहेको तथा वित्तीय क्षेत्र प्रतिस्पर्धी रहेको देखाएको छ । सबैभन्दा ठूला वाणिज्य बैंकहरुको सम्पत्तिको अंश तथा प्रतिस्पर्धात्मक क्षमता मापन गर्ने सूचकहरुले बजारमा पर्याप्त मात्रामा प्रतिस्पर्धा रहेको देखाएका छन् । साथै, कुल गार्हस्थ्य उत्पादन, प्रति व्यक्ति आय र जनसंख्याका आधारमा तुलना गरिएका अन्य मुलुकहरुभन्दा नेपालमा बैंक तथा वित्तीय संस्थाहरु बढी रहेको देखिएको छ ।
- बैंक तथा वित्तीय संस्थाको उच्च व्यवस्थापन तथा विज्ञहरुसँग गरिएको सर्वेक्षणले समेत् नेपालमा बैंक तथा वित्तीय संस्थाहरुको संख्या बढी रहेको देखाएको छ । सर्वेक्षणमा सहभागी मध्ये आधा उत्तरदाताले नेपालमा वाणिज्य बैंकहरुको संख्या ११ देखी १५ हुनुपर्ने तथा बीस प्रतिशतले वाणिज्य बैंकहरुको संख्या ५ देखी १० सम्म हुनु पर्ने धारणा व्यक्त गरेका छन् ।
- धेरैजसो उत्तरदाताले प्रोत्साहनपूर्ण मर्जर मोडेल अवलम्वन गर्नुपर्ने तथा कमजोर र बलिया संस्थाहरुका बीचमा मर्जर हुनुपर्ने धारणा व्यक्त गरेका छन् ।
यस अध्ययनले नेपालमा बैंक तथा वित्तीय संस्थाहरुको मर्जर तथा प्राप्तीले अल्पकालमा उत्पादकत्व, जोखिम व्यवस्थापन, व्यवसाय विस्तार, नाफा आर्जन लगायतका विभिन्न परिसूचकहरुमा सकारात्मक प्रभाव पारेता पनि कार्य संचालन दक्षता भने उल्लेखनीय रुपमा अभिवृिद्ध हुन नसकेको देखाएको छ । तसर्थ वित्तीय नियामक र बैंक तथा वित्तीय संस्थाहरुले मर्जर पश्चात् कार्यसञ्चालन दक्षता अभिवृद्धिमा जोड दिनुपर्ने देखिएको छ । - बैंक तथा वित्तीय संस्थाहरुको संख्या यति नै हुनुपर्छ भन्ने सम्वन्धमा कुनै निश्चित तथ्याङ्कीय मोडल नभए पनि बैंकहरुबीच रहेको प्रतिस्पर्धाको अवस्थाले नेपालमा वित्तीय क्षेत्रको थप सुदृढीकरण गर्न सकिने ठाँउ रहेको यस अध्ययनले देखाएको छ । हाल बैंकिङ्ग क्षेत्रमा ठूला बैंकहरुको बजार प्रभुत्व कायम नभएकाले मर्जर तथा प्राप्ती प्रक्रिया मार्फत वित्तीय क्षेत्रमा एकाधिकारात्मक क्षमतामा उल्लेखनीय वृद्धि हुन नदिइकनै वित्तीय क्षेत्रलाई अझ सवल, सक्षम तथा प्रभावकारी बनाउन सकिने देखिएको छ ।
The full report is available at :
1 comment:
Siddha sir, thank you so much for sharing by synthesizing the whole report.
Post a Comment